Shavan masi harsh mansi

lahan astanna mazi aaji mala hi kavita ekwaychi.. baryachda lihayla sangaychi.. pan

tenva mala paawsache mahatw samajlele navte.... aata Dr zalyanantar mazya

khurchit basun jenva mi paawsachi waat baghtoy tenva mala hi kavita aathawli...

so frends enjoy the poem..

श्रावणमासी हर्षमानसी हिरवळ दाटे चोहिकडे

क्षणात येती सरसर शिरवे क्षणात फिरुनी ऊन पडे




वरती बघता इंद्रधनुचा गोफ दुहेरी विणलासे

मंगल तोरण काय बांधले नभोमंडपी कुणी भासे



झालासा सूर्यास्त वाटतो, सांज -अहाहा तो उघडे

तरुशिखरांवर उंच घरांवर पिवळे पिवळे ऊन पडे





उठती वरती जलदांवरती अनंत संध्याराग पहा

सर्व नभावर होय रोखिले सुंदरतेचे रुप महा





बलाकमाला उडता भासे कल्पसुमांची माळचि ते

उतरुनि येती अवनीवरती ग्रहगोलचि की एकमते





फडफड करुनि भिजले अपुले पंख पाखरे सावरती

सुंदर हरिणी हिरव्या कुरणी निजबाळांसह बागडती





खिल्लारे ही चरती रानी गोपही गाणी गात फिरे

मंजूळ पावा गाई तयांचा श्रावण महिमा एकसुरे





सुवर्ण चंपक फुलला विपिनी रम्य केवडा दरवळला

पारिजातही बघता भामा रोष मनीचा मावळला






सुंदर परडी घेऊनि हाती पुरोपकंठी शुध्दमती

सुंदर बाला या फुलमाला रम्य फुले पत्री खुडती





देवदर्शना निघती ललना हर्ष मावे ना हृदयात

वदनी त्यांच्या वाचून घ्यावे श्रावण महिन्याचे गीत